Интензивни контроли на инспециските служби во Центар, 6 градилишта казнети со по 1.300 евра

Инспекциските служби на Општина Центар во изминатата недела извршија засилени контроли на 10 активни градилишта, при што биле утврдени повеќе прекршувања на законските обврски.

— реклама —

При теренските надзори, кои биле спроведени и во доцните попладневни часови, биле констатирани нарушувања на комуналниот ред и непочитување на Законот за јавна чистота. За утврдените прекршоци биле изречени шест казни во висина од по 1.300 евра.

— реклама —

Дополнително, на три локации биле отстранети блокатори и столпчиња кои биле бесправно поставени на јавни површини.

— реклама —

Градоначалникот на Општина Центар, Горан Герасимовски, посочи дека инспекциските служби продолжуваат со редовни и вонредни контроли, со цел заштита на животната средина, одржување на јавната чистота и обезбедување безбедни тротоари и улици.

Од Општина Центар апелираат до инвеститорите и градежните компании да ги почитуваат законските обврски и да преземат соодветни мерки за заштита на околината, особено при изведување градежни работи во подрачја со индивидуално домување.