Интернет-конекциите во Грција забележале значително зголемување на брзината во текот на 2025 година, покажуваат податоците на Националната комисија за телекомуникации и пошти на Грција.
Како што пишува „Екатимерини“ (Ekathimerini), просечната download брзина минатата година достигнала 163,82 мегабити во секунда (Mbps), што претставува зголемување од 47,66 отсто во споредба со 2024 година, кога просекот изнесувал 110,94 Mbps.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Уште поголем напредок е забележан кај брзината на испраќање податоци.
Просечната upload брзина во 2025 година достигнала 80,38 Mbps, наспроти 25,18 Mbps во 2024 година. Тоа претставува зголемување од дури 219,21 отсто, односно повеќе од тројно зголемување за само една година.
Медијаната на upload брзината исто така пораснала – од 9,62 Mbps на 13,88 Mbps, што е раст од 44,28 отсто.
Според „Екатимерини“, за значителното подобрување придонеле поголемата употреба на оптички интернет-конекции, како и зголемувањето на брзините на мрежите на телекомуникациските оператори.
