Иран без интернет веќе 52 дена, ограничувањата продолжуваат.
Организацијата NetBlocks, која го следи функционирањето на интернет-мрежите во светот, соопшти дека прекинот на интернет во Иран трае веќе 52 дена, односно околу 1224 часа.
Според податоците, ограничувањата биле воведени по обновувањето на антивладини протести на почетокот на јануари, а дополнително биле заострени по почетокот на воените тензии меѓу САД, Израел и Иран кон крајот на февруари.
Прекинот на интернетот има сериозни последици врз секојдневниот живот и економијата, при што се отежнати работата на компаниите, комуникацијата и функционирањето на бројни услуги низ земјата.
