Иран: Американците го блокираат Ормутскиот теснец – „неразумна одлука“

Претседателот на иранскиот парламент, Мохамад Багер Галибаф, остро ја критикуваше политиката на САД во врска со Ормутскиот теснец, оценувајќи ја како „глупава и неразумна одлука“.

— реклама —

Во телевизиско обраќање, тој изјави дека Соединетите Американски Држави веќе неколку дена го блокираат овој клучен поморски правец, додавајќи дека тоа ќе има директни последици врз глобалниот сообраќај.

— реклама —

„Веќе неколку дена го блокираат Ормутскиот теснец. Каква глупава и неразумна одлука. Тоа е уште една нивна грешка“, изјави Галибаф.

Тој предупреди дека Иран ќе одговори со ограничување на пловниот сообраќај доколку блокадата продолжи.

— реклама —

„Ако не ја укинете блокадата, сообраќајот низ Ормутскиот теснец сигурно ќе биде ограничен, во тоа нема никаква дилема“, порача Галибаф.

Изјавата доаѓа во услови на зголемени тензии во регионот, каде Ормутскиот теснец останува една од најважните светски рути за транспорт на нафта и енергенси.