Иран ги отфрли обвинувањата на Рубио за атентати врз американски лидери

Иран ги отфрли обвинувањата на американскиот државен секретар Марко Рубио за наводни планови за атентати врз американски политички лидери, меѓу кои и претседателот на САД, оценувајќи дека Вашингтон со ваквите тврдења се обидува да го сврти вниманието од, како што наведуваат, страдањата на иранските цивили.

— реклама —

Портпаролот на иранското Министерство за надворешни работи, Есмаил Багаеи, на социјалната мрежа Икс објави видео од изјавите на Рубио, проследено со пораката: „Секое обвинување е признание“.

— реклама —

„Глумејќи жртва, не можете да ги исперете вашите ужасни воени злосторства и злосторства против човештвото врз иранскиот народ“, напиша Багаеи.

Во видеото што го објави, Рубио тврди дека во САД веќе биле осудени лица поврзани со, како што рече, ирански агенти кои на американска територија подготвувале убиства на американски политички функционери.

— реклама —

Како одговор, Багаеи потсети на настаните од тековниот конфликт меѓу САД и Иран и повторно го спомена ракетниот напад врз училиште во Минаб на 28 февруари.

— реклама —

Според иранските власти, во нападот загинале повеќе од 170 ученици, наставници и членови на персоналот, бројка која досега не е независно потврдена. Иран го користи овој случај како еден од главните аргументи во обвинувањата против Вашингтон за напади врз цивилни цели за време на конфликтот.