Рубио: Војната во Украина е во опасна позиција

Американскиот државен секретар Марко Рубио оцени дека војната во Украина се наоѓа во опасен ќорсокак и порача дека САД ќе продолжат да работат на постигнување договор за нејзино завршување.

— реклама —

„Би сакале да видиме договорно решение на оваа војна кое е трајно, одржливо и праведно. Тоа е она на што остануваме посветени“, изјави Рубио пред новинарите за време на посетата на Португалија.

Администрацијата на американскиот претседател Доналд Трамп во изминатите недели се обидува да ги оживее преговорите за завршување на конфликтот. Украински преговарачи треба да ги посетат САД во петок и сабота за разговори.

— реклама —

Во меѓувреме, меѓусебните напади со беспилотни летала меѓу Русија и Украина годинава постепено се проширија и врз економски цели. Биле погодени енергетски постројки, рафинерии, пристаништа и бродови што превезуваат нафта и жито, магацини за електронска трговија, а неодамна и центри за податоци.

— реклама —

Рубио предупреди дека дополнителната ескалација би можела да предизвика поширок конфликт.

„Таквата ескалација би можела да заврши како кампања на саботажи во соседните земји што се членки на НАТО“, рече тој, додавајќи дека други случувања би можеле брзо да ја претворат војната меѓу двете земји во многу поширок и поопасен регионален конфликт.

„Оваа војна мора да заврши со договор. Колку побрзо, толку подобро. САД се подготвени да го олеснат тоа. Се обидовме. Ќе продолжиме да се обидуваме. Но, исто така, нема да инвестираме во бесмислени процеси ако не можеме да постигнеме напредок“, додаде Рубио.