Иран го обвини Трамп за закани кон цивилна инфраструктура

Иранскиот заменик министер за надворешни работи, Казем Гарибабади, го обвини американскиот претседател Доналд Трамп дека со заканите за напади врз цивилна инфраструктура го крши меѓународното право и врши воени злосторства. „Таквите закани претставуваат воени злосторства и очигледно кршење на Повелбата на Обединетите нации“, истакна Гарибабади, повикувајќи се на член кој забранува употреба или закана со сила против територијалниот интегритет на државите.

— реклама —

Тој додаде дека Иран ќе одговори „одлучно, веднаш и на начин кој ќе предизвика жалење“ во случај на напад.

— реклама —

— реклама —

На заканите на Трамп се осврна и Луис Морено Окампо, кој за BBC изјави дека намерното гаѓање цивилни објекти – кои не се воени цели – претставува воено злосторство.

Трамп во последните денови повеќепати се закануваше со напади врз иранската инфраструктура, вклучувајќи електрани и мостови, доколку Иран не го отвори Ормускиот Теснец во зададениот рок. На својата платформа Truth Social тој напиша: „Во вторник во Иран е Ден на електрани и Ден на мостови, сè во едно. Такво нешто уште не е видено!!! Отворете го тој е**** теснец, вие луди гадови, или ќе живеете во пекол – само гледајте! Слава на Алах. Претседател Доналд Џ. Трамп.“