Иран го одби американскиот предлог за 48‑часовно примирје

Техеран го одби предлогот на САД за 48-часовно примирје, објави иранската полуслужбена новинска агенција Fars, повикувајќи се на неименуван извор. Според изворот, предлогот бил изнесен во средата преку трета, неименувана земја, но не бил прифатен.

— реклама —

— реклама —

Од САД засега нема официјален коментар или потврда на овие информации.

— реклама —

Во меѓувреме, иранската агенција Tasnim известува дека силите на Корпусот на чуварите на исламската револуција (IRGC) обориле американски борбен авион F-35 Lightning II над централниот дел на Иран. Според овие извештаи, пилотот се катапултирал и постојат индиции дека можеби е заробен, но неговата судбина сè уште не е независно потврдена. IRGC исто така тврди дека станува збор за втор оборен F-35 кој е целосно уништен, но овие тврдења засега не се потврдени од американски извори.