Иран и Оман договорија привремен коридор за бродовите низ Ормускиот Теснец

Иран и Оман се договорија да работат на воспоставување привремен навигациски коридор низ Ормускиот Теснец, со цел постепено да се овозможи нормализирање на бродскиот сообраќај низ овој стратешки важен воден пат.

— реклама —

Договорот бил постигнат на средбата во Техеран меѓу министрите за надворешни работи на двете земји, Бадр Албусаиди и Абас Арагчи. Предвидено е, покрај привремениот коридор, да се работи и на расчистување на мини и воспоставување траен навигациски коридор.

— реклама —

Иранскиот заменик-министер за надворешни работи, Казем Гарибабади, изјави дека привремената рута за бродовите што влегуваат во Персискиот Залив ќе минува низ ирански води, додека излезната рута ќе минува низ ирански и омански води.

Двете земји ќе продолжат со разговорите во следните 30 до 60 дена, при што ќе се разгледуваат и механизмите за управување со сообраќајот, размена на информации и обезбедување навигациски и безбедносни услуги.

— реклама —

Разговорите се одржуваат во период на засилени дипломатски напори околу Ормускиот Теснец. Претходно, американскиот претседател Доналд Трамп се закани со напади врз Оман доколку земјата ги попречува разговорите меѓу Вашингтон и Техеран.

Иранските власти во меѓувреме разговарале и со пакистанска делегација за прашањата поврзани со теснецот, како дел од напорите за продолжување на преговорите за ставање крај на војната.