Иран испраќа порака до Вашингтон: Договор можен ако САД се откаже од „тоталитаризам“

Претседателот на Иран, Масуд Пезешкијан, порача дека постои можност за постигнување договор со САД, но под јасни услови.

— реклама —

Во објава на социјалната мрежа X, Пезешкијан истакна дека договор е достижен доколку американската влада „се откаже од својот тоталитаризам“ и ги почитува правата на иранскиот народ.

— реклама —

„Ако американската влада се откаже од својот тоталитаризам и ги почитува правата на иранскиот народ, сигурно ќе се најде начин за постигнување договор“, напиша Пезешкијан.

— реклама —

Тој воедно упати пофалби до иранскиот преговарачки тим, особено до претседателот на парламентот Мохамад Багер Галибаф, кој има клучна улога во разговорите.

Изјавата доаѓа во момент кога преговорите меѓу Вашингтон и Техеран се во застој по неуспешната рунда во Исламабад, а тензиите меѓу двете страни остануваат високи.