Иран: Нема преговори со САД, Ормускиот Теснец останува затворен до исполнување на условите

Меѓу Иран и САД во моментов нема преговори, изјави високиот ирански функционер Мохсен Резаи, советник на врховниот верски водач на земјата, во интервју за телевизијата „Ал Мајадин“.

— реклама —

Техеран бара Вашингтон да исполни седум услови од привремениот договор постигнат во јуни пред повторно да се отвори Ормускиот Теснец и да продолжат преговорите. Резаи посочи дека Иран побарал јасен одговор од американската страна, но сè уште не го добил.

— реклама —

Меѓу барањата на Иран се укинување на американската поморска блокада, санкциите за иранската нафта, ослободување на замрзнатиот имот и прекин на воените операции. Привремениот договор беше потпишан на 17 јуни, но набргу пропадна поради несогласувањата околу Ормускиот Теснец.

— реклама —

Во меѓувреме, Катар се обидува да посредува и предложил договор според кој САД би ја укинале поморската блокада и би ослободиле дел од иранскиот имот, а Иран би им дозволил на меѓународните нуклеарни инспектори пристап до бомбардираните постројки и би го отворил Ормускиот Теснец.

— реклама —

Американскиот претседател Доналд Трамп вчера се сретнал со катарските посредници. По средбата ја намалил веројатноста за избувнување поголем воен судир, но потврдил дека не го прифаќа актуелниот ирански предлог за примирје.