Иран: Немаме проблем со Бугарите, но имаме право да го нападнеме изворот на агресијата против нас

Иран повторно ја предупреди Бугарија да не дозволува користење на својата територија за американски или израелски воени операции против Техеран, при што порача дека го задржува правото да го нападне местото од кое би потекнувал евентуален напад.

— реклама —

Портпаролот на иранското Министерство за надворешни работи, Есмаил Багаеи, нагласи дека Техеран „нема проблем со бугарскиот народ“, но дека евентуалното овозможување воени операции против Иран би се сметало за учество во агресија.

Според него, Иран има право да го нападне „изворот, односно местото на потекло“ на секој акт на агресија против земјата.

— реклама —

Багаеи се осврна и на информациите дека неколку авиони за снабдување со гориво претходно ја напуштиле територијата на Бугарија. Тој оцени дека дозволувањето на нивно присуство во бугарска воена база претставува поддршка за американските и израелските воени активности против Иран.

— реклама —

Техеран и претходно ја предупредуваше Бугарија, членка на НАТО и на Европската Унија, да не дозволи користење на нејзините воздушни бази за американски воени операции.

Минатиот месец, бугарскиот парламентарен одбор за одбрана одобри предлог на Владата за привремено распоредување американски авиони-танкери и американски воен персонал во воздухопловната база Безмер.

— реклама —

Багаеи повторно го коментираше развојот на иранската воена стратегија, велејќи дека Техеран „долго време игра шах“, но дека во последните години „научил да игра и покер“.