Иран се наоѓа под речиси целосен прекин на интернетот, што значително ја отежнува проверката на информациите од терен во услови на интензивни воени случувања.
Организацијата за мониторинг на интернетот НетБлокс објави дека во земјата е регистриран речиси тотален интернет-блекаут. Според достапните информации, ограничен пристап имаат само корисници на сателитски интернет преку системот Старлинк, дел од новинарите со посебни дозволи и поединци кои повремено се поврзуваат преку прокси-сервери и виртуелни приватни мрежи (ВПН).
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Ова не е првпат Техеран да го ограничи пристапот до интернет. Слична мерка беше воведена за време на т.н. дванаесетдневна војна меѓу Иран и Израел во јуни, како и за време на масовните протести што започнаа кон крајот на декември.
Во претходните случаи, иранските власти како причина наведуваа „сајбер-напади од непријателот“. Засега нема официјално образложение за актуелниот прекин, додека комуникацијата со внатрешноста на земјата останува сериозно ограничена.
