„Иран: Подготвени сме решително да се пресметаме со американскиот агресор“

Портпаролот на иранскиот централен штаб Хатам ал Анбија, Ебрахим Золфагари, денес изјави дека вооружените сили на Иран се подготвени решително да се пресметаат со силите на „американскиот агресор“.

— реклама —

Како што наведе, тоа би бил одговор на, како што рече, флагрантен акт на агресија од страна на американски терористички командоси против ирански комерцијален брод во Оманското Море.

Тој, сепак, додаде дека иранските вооружени сили се соочуваат со одредени ограничувања поради присуството на неколку членови од семејствата на екипажот на бродот, чии животи и безбедност се изложени на постојан ризик.

— реклама —

„Со оглед на моменталната ситуација, кога ќе биде обезбедена безбедноста на семејствата и екипажот на бродот кој е цел на американската агресија, моќните вооружени сили на Исламската Република Иран ќе преземат неопходни мерки против терористичката армија на САД“, наведе Золфагари.

— реклама —

Иранската Револуционерна гарда (IRGC) денес соопшти дека ги принудила американските сили стационирани во Оманскиот Залив да се повлечат, откако американски војници наводно отвориле оган врз ирански трговски брод, јави агенцијата Мехр.

Според извештајот, американските „терористички сили“ го нападнале иранскиот трговски брод со цел да го принудат да се врати во иранските територијални води.

Се наведува дека овој потег бил одговор на затворањето на Ормускиот теснец, враќањето на индиски и британски трговски бродови, како и на контролни мерки применети од IRGC.