Иран: Подготвени сме за долга војна, најнапредното оружје сè уште не е употребено

Иран е подготвен за долготрајна војна против САД и Израел и досега не го употребил своето најнапредно вооружување, соопшти денеска иранското Министерство за одбрана.

— реклама —

„Имаме капацитет да се спротивставиме и да продолжиме со офанзивна одбрана подолго отколку што непријателот планирал за оваа наметната војна“, изјави портпаролот на министерството Реза Талаеи-Ник, пренесе државната новинска агенција ИРНА. Тој додаде дека Техеран нема намера да го распореди целото напредно оружје и опрема во првите денови од конфликтот.

— реклама —

— реклама —

Во меѓувреме, Иранската револуционерна гарда соопшти дека вечерва испукала нов бран проектили кон Израел.

„Започна шеснаесеттиот бран од операцијата ‘Вистинско ветување 4’, со голем број ракети и беспилотни летала што воздушно-вселенските сили на Револуционерната гарда ги лансираа кон срцето на окупираните територии“, се наведува во соопштението, при што се мисли на Израел.