Иранскиот претседател Масуд Пезешкијан издал наредба за повторно воспоставување на меѓународниот пристап до интернет, објавија иранските државни медиуми.
Според организацијата „Нетблокс“, поголемиот дел од населението во Иран немало пристап до глобалната мрежа цели 87 дена, а само мал број граѓани успевале да ги заобиколат ограничувањата со користење VPN-сервиси.
Иранските власти речиси целосно го блокираа интернетот по почетокот на нападите од САД и Израел, со цел да го ограничат протокот на информации во период на интензивни воени операции и безбедносни активности.
Ова не е првпат Иран да воведе вакви мерки. Слични блокади беа применувани и за време на масовните антивладини протести во земјата.
Организациите што ги следат интернет-слободите предупредуваат дека долгата блокада сериозно влијаела врз секојдневниот живот, бизнисите и комуникацијата на граѓаните со странство.
Иранските власти засега не објавиле кога целосно ќе се нормализира пристапот до интернет.
