Иран размислува да го прогласи имотот на американскиот милијардер Илон Маск во регионот за легитимна цел, објавија иранските државни медиуми.
Според иранската новинска агенција „Фарс“, Техеран тврди дека американската и израелската војска ја користат сателитската интернет-услуга „Старлинк“, која е во сопственост на компанијата „СпејсИкс“ на Маск.
Меѓу потенцијалните цели што се разгледуваат се земјените станици на „Старлинк“ во Катар, Јордан, Обединетите Арапски Емирати и Оман, како и акционери на компанијата „СпејсИкс“.
„Исламската Република Иран го задржува правото да ги нападне сите постројки поврзани со компаниите што ги управува Маск во регионот и на окупираните територии“, изјавил воен извор за агенцијата „Фарс“.
Засега нема официјална реакција од Илон Маск, „СпејсИкс“ или американските власти во врска со овие тврдења.
