Иран со „целосна недоверба“ влегува во преговорите со САД

Иран ќе влезе во претстојните преговори со Соединети Американски Држави со „целосна недоверба“, изјави иранскиот министер за надворешни работи Абас Арагчи.

— реклама —

Во разговор со германскиот колега Јохан Вадефул, Арагчи нагласил дека Техеран ќе ги брани „со полн авторитет интересите и правата на иранскиот народ“, укажувајќи на, како што рече, повторени прекршувања на договорите и „предавства на дипломатијата“ од страна на Вашингтон.

— реклама —

— реклама —

Изјавата доаѓа во пресрет на новата рунда разговори меѓу Иран и САД, кои треба да се одржат во услови на зголемени тензии и длабоко меѓусебно недоверие.

Пораката од Техеран укажува дека, и покрај дипломатските напори, почетните позиции остануваат остри, што го прави исходот од преговорите неизвесен уште пред нивниот почеток.