Иран воведува контрола: За минување низ Ормутскиот теснец потребно е одобрение

Иран ќе ја задржи контролата врз поморскиот сообраќај низ Ормутски теснец, објавија државните медиуми, и покрај знаците дека по примирјето сообраќајот постепено се обновува.

— реклама —

Според иранската државна телевизија, повикувајќи се на изјава на министерот за надворешни работи Абас Арагчи, пловидбата ќе биде дозволена само во координација со иранските вооружени сили и под одредени технички услови.

— реклама —

Бродовите ќе смеат да минуваат низ теснецот и да влегуваат во иранските територијални води само по добивање официјално одобрение.

Дополнително, според сведоштва цитирани во медиуми, на дел од бродовите им било пренесено дека за транзит ќе биде потребна дозвола од морнарицата на Иранската револуционерна гарда, а во спротивно им се заканува уништување.

— реклама —

Овие најави доаѓаат и покрај претходната изјава на американскиот претседател Доналд Трамп дека услов за примирјето е „целосно, веднаш и безбедно отворање“ на теснецот.

Податоците за поморски сообраќај покажуваат дека движењето на бродови низ Ормутскиот теснец постепено се зголемува, но под нови и значително построги услови.