Ирански медиуми: Во Јемен уништен американски дрон „Ем-Кју-9“

Иранската новинска агенција Тасним објави фотографии за кои тврди дека прикажуваат „уништена беспилотна летелица Ем-Кју-9“ во планинска област на југот од Јемен. Според агенцијата, дронот ѝ припаѓал на американската војска.

— реклама —

Во објавата не се наведува како дошло до уривањето на летелицата, ниту пак точното време кога се случил инцидентот. Засега нема официјална потврда од Соединети Американски Држави за овие наводи.

— реклама —

Во одделно соопштение, иранската војска информира дека во текот на изминатата ноќ соборила седум „напредни непријателски дронови“ во различни делови од Иран.

— реклама —

Според информациите пренесени од Тасним, станува збор за беспилотни летала од типовите „Ем-Кју-9“, „Херон“, „Хермес“ и „Орбитер“, кои биле погодени од системите за противвоздушна одбрана во областите Табриз, Техеран, Исфахан, Хорамaбад и Бушер.

Во соопштението се додава дека вкупниот број соборени дронови од почетокот на, како што се наведува, „ционистичко-американската агресија“ се искачил на 29. Овие тврдења засега не се независно потврдени од меѓународни извори.