Ирански проектили погодија два нафтени танкера во Ормускиот Теснец, загина член на екипажот

Еден член на екипажот, индиски државјанин, загина, а осум лица се повредени откако ирански крстосувачки проектили погодија два нафтени танкера на Обединетите Арапски Емирати додека пловеле низ Ормускиот Теснец.

— реклама —

Компанијата ADNOC L&S потврди дека танкерите „Момбаса Б“ и „Ал Бахјах“ претрпеле значителни оштетувања во нападот.

— реклама —

Според Министерството за одбрана на Обединетите Арапски Емирати, четворица од повредените се здобиле со тешки повреди. Шестмина се индиски, а двајца украински државјани.

Оманските власти соопштија дека 18 членови на екипажот од танкерот „Ал Бахјах“ биле евакуирани, додека по уште три лица сè уште се трага.

— реклама —

Иранската Револуционерна гарда соопшти дека танкерите биле погодени откако ги игнорирале предупредувањата, ги исклучиле навигациските системи и се движеле по, како што тврди Техеран, забранета рута.

Од Иран ги обвинија Соединетите Американски Држави дека ги насочиле бродовите да користат нелегален пловен правец, предупредувајќи дека ваквите инциденти можат дополнително да ја продлабочат енергетската криза и да го одложат целосното отворање на Ормускиот Теснец.