Иранскиот претседател Масуд Пезешкијан за првпат се огласи по постигнувањето на договорот за прекин на огнот меѓу Иран и САД, оценувајќи дека примирјето претставува резултат на жртвата и единството на народот.
Во објава на социјалната мрежа Икс, Пезешкијан истакна дека договорот е постигнат со прифаќање на „општите принципи што Иран ги барал“.
„Прекинот на огнот, со прифаќање на принципите што ги бараше Иран, е плод на крвта на нашиот голем маченик Хамнеи и ангажманот на целиот народ“, напиша тој, алудирајќи на починатиот врховен лидер Али Хамнеи.
Тој додаде дека иранскиот народ ќе остане обединет за време на двонеделното примирје со САД.
Претходно, американскиот претседател Доналд Трамп соопшти дека од Техеран добил план од десет точки како дел од договорот за запирање на нападите, што отвори простор за продолжување на преговорите меѓу двете страни.
