Иранскиот претседател: Ниту една сила не може да нè принуди на покорност

Иранскиот претседател Масуд Пезешкијан изјави денеска дека ниту една сила во светот не може да го присили иранскиот народ на покорност.

— реклама —

„Иран не сака војна и нестабилност, туку секогаш ја истакнувал важноста на дијалогот и конструктивната интеракција со сите земји во светот. Меѓутоа, секој обид да ѝ се наметне каква било волја на земјата или да се принуди на предавање е осуден на пропаст и иранската нација никогаш нема да попушти пред таков пристап“, нагласи иранскиот претседател.

— реклама —

Тој, за време на посетата на различни одделенија на Службата за вонредни ситуации во Техеран, укажа на, како што наведе, „актуелните двојни стандарди во меѓународната политика“, нагласувајќи дека секоја воена офанзива против суверени држави претставува целосно кршење на сите прифатени меѓународни принципи.

— реклама —

„Што ја оправда воената агресија врз нашата земја? Какво оправдување постои во рамки на меѓународното право и хуманитарните принципи за таргетирање цивили, елита, деца и уништување витални центри како што се училиштата и болниците?“, праша Пезешкијан.

Тој го пофали „неспоредливото и примерното единство“ на Иранците за време на 40-дневната војна која, како што рече, „ги осуетила целите на непријателот“.