Иранскиот врховен лидер Моџтаба Хамнеи се здобил со тешка повреда на ногата за време на февруарскиот напад на американските и израелските сили врз Иран, во кој загинал неговиот татко, Али Хамнеи, објави Iran International.
Според наводите, членот на иранското Собрание на експерти, Ахмад Хатами, изјавил дека лекарите дури размислувале и за ампутација на ногата на Хамнеи.
„За време на нападот на првиот ден од војната, Моџтаба Хамнеи се здоби со повреда на ногата. Постоеше дури и можност за ампутација, но до тоа не дојде и тој моментално е во добра здравствена состојба“, изјавил Хатами.
Според британскиот медиум Скај њус, Хамнеи не се појавил во јавноста од нападот на 28 февруари, додека дел од медиумите претходно објавија дека бил тешко повреден и не бил во состојба да зборува.
Американскиот државен секретар Марко Рубио неодамна изјави дека е уверен оти Хамнеи е жив, додавајќи дека постојат „индикации дека тој сè повеќе се вклучува на одредено ниво во активностите“.
