Непознати сторители провалиле во основно училиште во скопската населба Ѓорче Петров, каде што оштетиле влезни врати, изнеле противпожарни апарати и запалиле учебници во училишниот двор, информира Министерството за внатрешни работи.
Според МВР, на 3 јули во 13:35 часот во СВР Скопје било пријавено од основното училиште дека во периодот од 04:00 до 05:00 часот истиот ден, со употреба на физичка сила биле оштетени влезните врати од спортската сала.
Оттаму биле извадени два противпожарни апарати, кои потоа биле употребени во дворот на училиштето, каде што сторителите запалиле учебници што претходно ги одзеле од училиштето.
Полициска екипа извршила увид на местото, а се преземаат мерки за целосно расчистување на случајот.
