Испукал неколку куршуми во воздух по расправија – четворица приведени во Куманово

Четири лица се лишени од слобода по инцидент што се случил во стан во Куманово, каде по претходна расправија дошло до физичка пресметка, а биле испукани и неколку куршуми во воздух, соопшти Министерството за внатрешни работи.

— реклама —

Според МВР, на 8 јули околу 17:00 часот полициски службеници од СВР Куманово ги привеле Г.А. (43) од Куманово, како и Ќ.М. (41), А.М. (34) и И.М. (67), сите од селото Липково.

— реклама —

— реклама —

Според пријавата, инцидентот се случил во стан на улицата „Србо Томовиќ“ во Куманово, каде по претходна расправија бил нарушен јавниот ред и мир со физичка пресметка. Во текот на настанот, Г.А. од огнено оружје испукал неколку куршуми во воздух.

— реклама —

По целосното документирање на случајот, против четворицата ќе бидат поднесени соодветни поднесоци.