Италијанка (50) загина на едрилица кај Лефкада, јарболот ја удрил во главата

Трагично заврши одморот на 50-годишна туристка од Италија, која го загуби животот во несреќа што се случила додека пловела со едрилица во близина на грчкиот остров Лефкада, кај Меганиси.

— реклама —

Според првичните информации, поради ненадејна промена на јачината и правецот на ветерот, хоризонталниот метален носач на едрото нагло се придвижил и ја удрил жената во главата.

— реклама —

По пријавата за несреќата, на местото веднаш пристигнал брод на Крајбрежната стража, кој ја придружувал едрилицата до подрачјето Аквариум, каде што веќе чекала екипа на Итната медицинска помош.

— реклама —

И покрај брзата интервенција на спасувачките служби, лекарите само можеле да ја констатираат смртта на 50-годишната Италијанка.

— реклама —

Надлежните органи ги испитуваат сите околности што довеле до трагичната несреќа.