Италијанскиот министер за надворешни работи Антонио Тајани оцени дека не очекува Русија да изврши напад врз НАТО, иако предупреди дека не треба да се потценуваат руските активности, особено во сајбер-просторот.
„Не мислам дека Русија ќе го нападне НАТО, но секако не треба да се потцени она што го прави Москва; мислам на сајбер-нападите“, изјави Тајани, пренесува АНСА.
Тој смета дека Русија би била губитник доколку реши да нападне некоја од западните земји, нагласувајќи дека западните држави се организирани и секојдневно одговараат на заканите.
Тајани порача дека нема потреба од создавање атмосфера на страв и вознемиреност, додавајќи дека не верува оти рускиот претседател Владимир Путин би направил грешка со започнување напад кој би завршил со пораз на Русија.
Изјавата доаѓа во период на зголемени тензии меѓу Москва и западните земји. Русија претходно предупреди дека британските бази би можеле да бидат легитимни цели, откако британскиот премиер Енди Бернам најави обезбедување ракети со долг дострел за Украина.
