Пет лица побарале лекарска помош поради вдишување чад во пожар што ноќеска избувнал во поткровје на зграда на подрачјето на скопската населба Центар.
Според информациите од Министерството за внатрешни работи, пожарот бил пријавен на 26 јуни околу 02:25 часот во СВР Скопје.
При обид со противпожарни апарати да го изгаснат огнот, Д.С. (54) и Б.А. (49), двајцата од Скопје, вдишале чад, по што биле пренесени во Комплексот клиники „Мајка Тереза“ за укажување лекарска помош.
Пожарот бил изгаснат од екипа на Бригадата за противпожарна заштита Скопје.
Подоцна, на лекарски преглед се јавиле уште три лица поради вдишување чад.
На местото на настанот извршен бил увид од полициски службеници од СВР Скопје, а за случајот бил известен и јавен обвинител.
