ДУИ преку соопштение упати обвинувања кон Изет Меџити, нарекувајќи го промотор на, како што наведуваат, брутален непотизам во политиката меѓу Албанците.
Во соопштението се тврди дека Меџити се збогатил во период кога, според партијата, Чаир се соочувал со економско осиромашување, додека денес се обидува да се прикаже како политичка промена.
Од ДУИ наведуваат дека неговата политичка структура функционира, како што велат, по принцип на семејни врски, лични интереси и блиски кругови на влијание.
Во соопштението се тврди дека повеќе од две децении Меџити и неговата група имале значително политичко влијание во Скопје, при што, според нив, не се подобрила положбата на младите, додека растеле неговото лично влијание и богатство.
ДУИ оценува дека албанските граѓани не треба да прифатат повторување на, како што го нарекуваат, ист модел на политичко дејствување, кој го поврзуваат со непотизам и злоупотреба на политичката моќ.
