Пожар избувнал во куќа покрај стариот пат Китка – Батинци во скопско, а за среќа во инцидентот нема повредени лица.
Според информациите од Министерството за внатрешни работи, случајот бил пријавен во СВР Скопје на 10 јуни во 01:46 часот.
Опожарената куќа е во сопственост на М.И. (23) од Скопје и се наоѓа покрај стариот пат кон селото Батинци.
На местото интервенирала Бригадата за противпожарна заштита на Град Скопје, која успеала да го локализира и изгасне пожарот.
Од МВР информираат дека нема повредени лица, а во текот на денот ќе биде извршен увид за да се утврдат причините и околностите под кои избувнал пожарот.
