Изгоре куќа во Габревци

Пожар избувнал во семејна куќа во радовишкото село Габревци, информираат од Министерството за внатрешни работи.

Случајот бил пријавен на 25 јуни околу 14:30 часот во ОВР Радовиш, по што на местото веднаш интервенирале екипи на Територијалната противпожарна единица Радовиш и Доброволното противпожарно друштво „Мантово“ од Конче.

— реклама —

Според информациите, пожарот избувнал во куќа сопственост на Р.П. од село Габревци.

— реклама —

Во пожарот нема повредени лица, а причините за избувнувањето ќе се утврдуваат дополнително.

— реклама —

Увид на местото на настанот извршила екипа од ОВР Радовиш.