Изгореа три градежни возила на градилиште на германскиот „Рајнметал“

Три градежни возила изгореле во текот на ноќта на градилиште на германската одбранбена компанија „Рајнметал“, во близина на аеродромот Касел-Калден во Германија. Според првичните наоди, полицијата се сомнева дека пожарот бил подметнат, а истрагата се води и во насока на можен политички мотив, пренесува „Шпигел“.

— реклама —

— реклама —

Истрагата ја презела единицата за државна безбедност при Полициската станица во Северен Хесен. Полицијата засега не ја соопштува висината на причинетата штета.

— реклама —

На локацијата во Касел се планирани логистички центар и центар за обука, како и центар за тестирање беспилотни летала на аеродромот. „Рајнметал“ и покраината Хесен во август најавија инвестиции во вредност од повеќе од 260 милиони евра за овој објект.