Надворешната канцеларија за криминалистички работи Струга поднесе кривична пријава против М.О. (57) од струшкото село Октиси поради сомнение за сторени кривични дела „бесправно градење“ и „узурпација на недвижности“.
Според информациите од Министерството за внатрешни работи, пријавениот во текот на 2026 година бесправно изградил куќа на државно земјиште во селото Октиси.
Од МВР информираат дека објектот бил изграден во непосредна близина на постојни надземни среднонапонски електрични водови, со што била загрозена сигурноста во снабдувањето со електрична енергија на останатите корисници.
Воедно, поради непочитување на пропишаните безбедносни растојанија од електроводот, била доведена во прашање и безбедноста на луѓето и имотот.
По извршениот инспекциски надзор, надлежните институции донеле решение за отстранување на бесправно изградениот објект.
