Изгубил контрола над мотоциклот и паднал – битолчанец со тешки повреди

Шеесет и двегодишен жител на битолското село Барешани се здобил со тешки телесни повреди откако паднал со мотоцикл на патот Битола – Драгош.

— реклама —

Според информациите од Министерството за внатрешни работи, несреќата била пријавена на 25 јуни во 21:55 часот. На патниот правец Битола – село Драгош, кај селото Барешани, Ѓ.А. (62) од Барешани, управувајќи мотоцикл со битолски регистарски ознаки, изгубил контрола над возилото и паднал на коловозот.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Клиничката болница во Битола.

— реклама —

Увид на местото на настанот извршила увидна екипа од СВР Битола.