Излетал од патот и удрил во бетонски ѕид – 28-годишник го загуби животот

Дваесет и осумгодишен жител на Крива Паланка го загуби животот во тешка сообраќајна несреќа што се случила ноќеска на магистралниот пат кај селото Страцин, кратовско.

— реклама —

Како што информираат од МВР, несреќата била пријавена околу 00:10 часот, кога патничко возило „Опел Астра“ со кривопаланечки регистарски ознаки, управувано од Н.С. (28), излетало од коловозот и удрило во бетонски заштитен ѕид.

— реклама —

— реклама —

Возачот починал на местото на несреќата, а смртта ја констатирал лекар од Итната медицинска помош.

— реклама —

По наредба на јавен обвинител, телото на починатиот е предадено на Институтот за судска медицина за обдукција, додека увид на местото на несреќата извршила екипа од ОВР Кратово.