Излетал од патот со мотор кај Козјак, скопјанец се здобил со тешки повреди

Триесет и шестгодишен скопјанец се здобил со тешки телесни повреди откако со мотоцикл излетал од регионалниот пат Скопје – ХЕЦ Козјак, во близина на селото Нова Брезница.

— реклама —

Како што информираат од Министерството за внатрешни работи, несреќата била пријавена на 7 јуни околу 16 часот. Според првичните информации, В.М. од Скопје, управувајќи мотоцикл „Сузуки“ со скопски регистарски ознаки, изгубил контрола над возилото и излетал надвор од коловозот.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Комплексот клиники „Мајка Тереза“ во Скопје.

— реклама —

Увид на местото на несреќата извршила екипа на СВР Скопје, а причините за излетувањето се утврдуваат.