Излезноста во Брвеница до 9 часот е 3,98 отсто: Гласале 646 граѓани

Излезноста во вториот круг од предвремените избори за градоначалник на Општина Брвеница до 9 часот изнесува 3,98 проценти. Правото на глас дотогаш го оствариле 646 граѓани, информираше портпаролката на Државната изборна комисија (ДИК), Радица Тодоровска-Алексовска.

— реклама —

Според податоците пристигнати во ДИК, одзивот е поголем за 1,52 процентни поени во споредба со првиот круг, одржан на 18 октомври. Тогаш до 9 часот гласале 400 граѓани, односно 2,46 проценти од запишаните избирачи.

— реклама —

Најголема излезност е регистрирана на избирачкото место 2037, каде што гласале 8,7 проценти од избирачите. Најмала излезност има на избирачкото место 2048, со 1,25 проценти.

— реклама —

Гласањето започнало во 7 часот, а сите избирачки места биле отворени навреме. Според информациите од ДИК, изборниот процес засега се одвива во мирна атмосфера.

Во вториот круг граѓаните избираат меѓу двајца кандидати. Право на глас имаат вкупно 16.256 избирачи, кои гласаат на 24 избирачки места.