Во Брвеница до 15 часот гласале 31,17 отсто од избирачите

На предвремените избори за градоначалник на Општина Брвеница до 15 часот гласале 5.064 граѓани, односно 31,17 отсто од запишаните избирачи, соопшти Државната изборна комисија (ДИК).

— реклама —

Гласањето на сите 24 избирачки места се одвива непречено, без забележани потешкотии. Споредбено со првиот круг од локалните избори во 2025 година, излезноста е зголемена за 0,62 процентни поени. Тогаш до 15 часот гласале 4.932 избирачи, односно 30,55 отсто.

— реклама —

— реклама —

До прес-конференцијата на ДИК биле поднесени седум приговори за заштита на личното избирачко право. Два биле усвоени, со што на избирачите им била овозможена можност да гласаат, еден бил одбиен како неоснован, а останатите четири сè уште се обработувале.

Од ДИК најавија дека следните информации за текот на гласањето и излезноста ќе бидат соопштени во 18:30 часот, со податоци заклучно со 18 часот.