Брвеница денеска избира градоначалник: Вчера гласаа болните, немоќните и лицата во затворите

Во општина Брвеница денеска се одржува гласањето во вториот круг од предвремените локални избори, откако вчера своето право на глас го остварија болните и немоќните лица, како и лицата кои издржуваат затворска казна.

— реклама —

Според податоците на Државната изборна комисија (ДИК), од вкупно 107 пријавени болни и немоќни лица, гласале 104 лица.

— реклама —

Во казнено-поправните установи низ државата, од девет пријавени лица со право на глас, гласале осум.

— реклама —

Од ДИК информираат дека вчерашното гласање се одвивало без проблеми и дека секој гласач имал можност слободно да го оствари своето право на глас.

Денешното гласање во Брвеница се спроведува во рамките на вториот круг од предвремените локални избори за избор на градоначалник.