Изменет режим на сообраќај на експресниот пат Штип – Радовиш во вторник

Министерството за внатрешни работи информира дека утре, 23 јуни, ќе биде воведен изменет режим на сообраќај на експресниот пат А4 Штип – Радовиш, поради изведување технички активности.

— реклама —

Како што соопшти МВР, изменетиот режим ќе важи во периодот од 05:00 до 09:00 часот, на делницата од клучката Софилари до клучката Долани.

— реклама —

Во наведениот период, полициски службеници од Полициската станица за безбедност на патниот сообраќај Штип ќе го пренасочуваат сообраќајот по регионалниот пат Р1204 Штип – Радовиш.

— реклама —

Од Министерството апелираат до сите учесници во сообраќајот да ги почитуваат наредбите и насоките што ќе ги даваат полициските службеници, како и да се придржуваат кон сообраќајните правила, прописите и поставената сообраќајна сигнализација.

— реклама —

Целта, како што посочуваат од МВР, е да се обезбеди безбедно и непречено одвивање на сообраќајот за време на изведувањето на активностите.