Израелската армија соопшти дека во воздушен напад врз централниот дел на Појасот Газа е убиен припадник на вооруженото крило на Хамас.
Нападот бил изведен во градот Деир ал-Балах. Според израелската армија, убиениот подготвувал напади врз израелски војници и цивили.
Од болницата „Ал Акса“ во Деир ал-Балах соопштија дека во израелските напади загинале дете и маж. Локални жители потврдиле дека еден од загинатите бил припадник на Хамас.
Израелската армија дополнително соопшти дека во нападите, изведени во текот на вчерашниот ден, биле убиени уште пет лица за кои постоело сомнение дека се припадници на вооруженото крило на Хамас.
Хамас досега не ги коментирал тврдењата на израелската армија.
