Израел ја проширува копнената операција во јужен Либан

Израелската армија ги прошири копнените операции во јужен Либан надвор од таканаречената „жолта линија“, објавија израелски медиуми.

— реклама —

Станува збор за подрачје долж заедничката граница, кое Израел го држи под окупација како дел од, како што наведува, борбата против проиранската милитантна група Хезболах.

Терминот „жолта линија“ го воведе Израелската армија (ИДФ), иако таква граница не била спомената во првичните договори за примирје меѓу Израел и Либан.

— реклама —

ИДФ уште во април претстави мапа на подрачјето што го нарекува „предна одбранбена линија“, која опфаќа делови од јужен Либан под израелска воена контрола.

— реклама —

Иако примирјето формално сè уште е во сила, Хезболах дејствува независно од либанската влада, а двете страни продолжуваат со вооружени судири и размена на оган.

Портпарол на ИДФ за арапските медиуми претходно ги предупреди жителите на градовите Машгара и Сохмор да се евакуираат кон северните делови на покраината Бека.

— реклама —

Според достапните информации, двата града се наоѓаат надвор од израелски дефинираната „жолта линија“, што укажува на натамошно проширување на израелските воени активности на либанска територија.