Израелската армија соопшти дека на југот на Либан заробила припадник на специјалните сили на Хезболах, објавувајќи информации за акцијата преку своите официјални канали.
Според наводите, станува збор за член на единицата „Радван“, специјална формација на оваа организација, за која Израел тврди дека е поддржана од Иран.
Од израелската армија посочуваат дека приведеното лице наводно планирало напад врз израелски војници, при што се додава дека се предало и било приведено без отпор.
По апсењето, лицето било префрлено во специјализирана единица за понатамошно испрашување, се наведува во соопштението.
