Израелската армија тврди: Уништени околу 300 ирански ракетни лансери

Израелски одбранбени сили соопштија дека во рамки на последните операции уништиле околу 300 ракетни лансери во Иран и погодиле повеќе цели во Либан.

— реклама —

Во новото соопштение објавено на Телеграм, ИДФ наведува дека во изминатите 24 часа стотици борбени авиони и беспилотни летала истовремено гаѓале стотици цели во двете држави.

— реклама —

„Во последните 24 часа стотици борбени авиони и летала истовремено погодија стотици цели во Иран и Либан“, се наведува во соопштението на израелската армија.

— реклама —

Од ИДФ додаваат дека од почетокот на операцијата за време на викендот во Иран биле употребени околу 4.000 парчиња муниција.

„Во рамки на одбранбените напори, израелските воздухопловни сили продолжуваат со последователни бранови напади врз балистичките ракетни системи и системите за противвоздушна одбрана на иранскиот режим“, се наведува во соопштението.