Израелскиот министер за дијаспора, Амихај Чикли, член на владејачката партија Ликуд, оцени дека евентуално примирје со Иран во овој момент би било „грешка“.
Во интервју за радио 103FM, Чикли изјави дека со вакви држави „мора да се оди до крај“, споредувајќи ги со Јапонското Царство и нацистичка Германија. Тој процени дека шансите примирјето да опстане се околу 50 проценти.
Истовремено, министерот ги пофали резултатите од војната, нагласувајќи дека само „левичарски коментатори во САД и Израел, како и остатоци од Исламската револуционерна гарда“ тврдат дека Израел претрпел пораз.
Според него, Иран веќе не е регионална сила, а неговата таканаречена „Оска на отпорот“ е во распад. Чикли додаде дека Израел постигнал значајни успеси и создал нова реалност на повеќе фронтови, вклучително и на границата со Појасот Газа и пошироко на Блискиот Исток.
