Извештајот на ЕК за 2026 година тема на денешната дискусија во Владата: Во фокусот напредокот и реформите

Напредокот на Македонија на патот кон Европската Унија и спроведувањето на реформите ќе бидат во фокусот на денешната дискусија во Владата, посветена на годишниот извештај на Европската комисија за 2026 година.

— реклама —

На панел-дискусијата „Извештајот на Европската комисија за 2026 – напредок и реформи“ ќе учествуваат министерот за надворешни работи Тимчо Муцунски, министерката за образование и наука Весна Јаневска и заменик-амбасадорот на Делегацијата на Европската Унија во Скопје, Бен Нупнау. Дискусијата ќе ја модерира владината портпаролка Марија Митева.

— реклама —

Во пресрет на настанот, Муцунски преку објава на Фејсбук оцени дека извештајот го препознава напредокот на земјата и нејзината определба за членство во Европската Унија.

Тој посочи дека Европската комисија констатирала добро ниво на подготвеност и сериозен напредок во поглавјето 31, кое ги опфаќа надворешната, безбедносната и одбранбената политика, како и целосна усогласеност со заедничката надворешна и безбедносна политика на ЕУ.

— реклама —

Муцунски ги издвојува и позитивните оценки за исполнувањето на претходните препораки, политичкиот дијалог со Унијата и напредокот во поглавјето 30 – „Надворешни односи“. Меѓу забележаните достигнувања ги наведе и зголемената одбранбена подготвеност, поддршката за Украина и активното учество во меѓународните организации.

— реклама —

Според Муцунски, овие оценки ја потврдуваат позицијата на Македонија како кредибилен партнер на Европската Унија и нејзината стратешка определба за полноправно членство.