Ја давел и мавал со боксови пред ќерката, избегала од дома за да се спасат двете - обвинение за обезбедувачот на Мицкоски за семејно насилство

Основно јавно обвинителство за гонење на организиран криминал и корупција соопшти дека до Основен кривичен суд Скопје е поднесен обвинителен предлог против Раде Ристовски член на поширокото обезбедувањето на премиерот Христијан Мицкоски за кривично дело „телесна повреда“.

— реклама —

Според обвинителството, по претходна вербална расправија во семејниот дом, обвинетиот физички ја нападнал оштетената, удирајќи ја по лицето и главата пред нивната малолетна ќерка, а потоа ја фатил за вратот и почнал да ја дави.

— реклама —

Во нападот, на жената ѝ биле нанесени телесни повреди и психичка вознемиреност.

Како што наведуваат од обвинителството, оштетената успеала да се засолни во тоалет, а подоцна, додека со детето се обидувала да го напушти домот, обвинетиот ѝ го одзел и оштетил мобилниот телефон. Таа заедно со ќерката побарала помош кај сосетка, која ги примила во својот дом.

— реклама —

Со обвинителниот предлог е доставено и барање за продолжување на мерката притвор, поради опасност од бегство и можност обвинетиот да го повтори делото. Обвинителството посочува дека обвинетиот живее во заеднички дом со оштетената и нивната малолетна ќерка, пред чии очи било извршено насилството.

Уапсен обезбедувачот на премиерот Мицкоски поради напад на сопругата

Единицата за насилен криминал при СВР Скопје до ОЈО ГОКК поднесе кривична пријава по итна постапка против Раде Ристовски (39), вработен како полициски службеник во ОЗОЛО-ЕОПРСМ при Министерството за внатрешни работи, поради основано сомнение за сторено кривично дело „телесна повреда” по член 130 став 2 од КЗ, односно затоа што на 02.05.2026 физички ја нападнал неговата 37-годишна сопруга.Ристовски е лишен од слобода и изведен пред судија на претходна постапка, кој му одредил мерка притвор во тра

Македонија | пред 5 месеци