Јадранка Косор бара Хрватска да ги блокира преговорите на Србија и Црна Гора со ЕУ

Поранешната хрватска премиерка Јадранка Косор повика Хрватска да ги блокира пристапните преговори на Србија и Црна Гора со Европската Унија, по реакциите во двете земји по смртта на осудениот воен злосторник Ратко Младиќ.

— реклама —

Косор оцени дека реакциите на српските власти по смртта на Младиќ се причина Хрватска, како членка на ЕУ, да преземе чекор кон блокирање на преговорите со Србија.

— реклама —

„По реакцијата на властите во Србија на смртта на осуден џелат, воен злосторник, Република Хрватска, членка на ЕУ, мора да ги блокира преговорите на таа земја за ЕУ. А и Црна Гора поради четникот Мандиќ“, напиша Косор.

Нејзината реакција следува по смртта на Ратко Младиќ во притворската единица во Шевенинген. Претставници на српските власти реагираа на неговата смрт, при што, според Косор, имало величење на Младиќ и негирање на злосторствата за кои тој беше осуден, меѓу кои и геноцидот.

— реклама —

Во Црна Гора, пак, претседателот на Собранието и лидер на Новата српска демократија, Андрија Мандиќ, му изрази сочувство на синот на Младиќ, Дарко Младиќ.

„Тукушто му изразив сочувство на Дарко Младиќ, во мое лично име и во име на Новата српска демократија, по повод смртта на неговиот татко, генерал Ратко Младиќ“, објави Мандиќ на социјалната мрежа „Икс“.