„Јагуар“ удри осумгодишно девојче во Гостивар, детето е тешко повредено

Осумгодишно девојче од Гостивар се здобило со тешки телесни повреди откако било удрено од автомобил на улицата „Марко Симоновски“.

— реклама —

Несреќата била пријавена синоќа во 21:30 часот во ОВР Гостивар.

— реклама —

Според полицијата, „јагуар“ со гостиварски регистарски ознаки, управуван од А.О. (31) од Гостивар, удрил во осумгодишното девојче.

— реклама —

Детето било пренесено во Ургентниот центар во Гостивар, каде што му биле констатирани тешки телесни повреди.

Увид на местото на несреќата извршила екипа од ОВР Гостивар.